Baaq nabadeed oo ku wajahan collaada Cagaarran by Axmed Takar

qore:Ahmed A.Takar

Anigoo ku hadlaya magacayga iyo kan beesheydaba waxaan jeclahay inaan halkaan baaq nabadeed uga soogudbiyo anigoo usoo marinaya shabakdan caalamiga ee www.buhotlepost.com,beelaha walaalaha iyo deriskaba ah ee dhawan iska-horimadka ku dhexmaray deeganka cagaarre oo ka tirsan maamulka Puntland.

waxan jeclahay inan iraahdo ragii dhintay labada dhinacba rag dambe haka dabageynina ee inta nool utaliya oo badbaadiya ogaadana “colaada wiil baa ku dhintee wiil kuma dhasho” ,  colka la dumayo iyo

waranka la soofeynayana meel kale u duwa oo nimanyahow tolnimo waa dugsiye dunida jeedaasha.

waxan kaloo jeclahay inaan bogaadiyo dhamaan dadaalada iyo dhex-dhexaadinta ay u guntadeen wax-garadka iyo Cuqaasha reer Puntland  ee ay ka dhex wadaan walaalaha wada dhashay ee dirirtu ku dhexmartay degaanka Cagaarre,oo runtii ah waxuu ka xumado qof kastoo xabiib ah oo jecel nabada iyo horumarka degaanakan iyo dadkiisa, isku-dhacan oo farxad galineysa cadowga u miciya-lisanaya burburka iyo baaba’a Puntland .

waxan si gaar ah ugu baaqayaa beesha aan ka dhashay ee Tanade iney  guntiga dhiisha isaga dhigaan iyagoon u kala harin hadey noqon laheyd ugaaska guud , salaadiinta, cuqaasha iyo  aqoonyahanada , sidii ay qeyb libaax uga qaadan lahaayeen dhameynta colaadaan ka dhex aloosan labadan beelood  ee walaalahooda ah , waayo waxan filaya iney labada dhinacba kalsooni buuxda ku leeyihiin.

Ugu dambeyntii waxan jeclahay inaan kusoo gaba-gabeeyo oon idin xasuusiyo xadiiska nabigeena (scws )
ألا أخبركم بأفضل من درجة الصيام والصدقة والصلاة
قلنا بلى يا رسول الله ، قال : إصلاح ذات البين
ma idiin sheegaa wax ka kheyr badan salaada,soonka & sadaqadaba , waxan niri  haa rasuulkii allow wuxuu yidhi “dadka dhexdooda oo la hagaajiyo dhexdhexaadin.

takar77@hotmail.com