qalinkii, axmed takar isma raaci karaane allow yaa kala-reeba

Somalida waligeed waxa dhaqan iyo caado u ahayd in wax-
la wadaago oo walaalo la yahay iyadoo lakala cantuugo iyo
cirweyn yahay ..lakinse waa xaajo ugub ah :  aan aniga iyo
beesheydu dheregno inta kalana waxba igama galin ee milicda
ha tubnaadeen .

tan iyo intii la doortay r/wasaaraha cusub ee dkm somaliya waxa
soo baxayey qeylo dhaan iyo qamandhaco kasoo yeereysa
qaar ka mid ah beelaha somaliyeed oo iyagu iska dhaadhiciyey
iney dumaal iyo dhaxal u leeyihiin hogaaminta somaliya ..
waa sidey iyaga la tahaye..

waxaase maaskaradii iyo daboolkii ka dhacay markii r/wasaaruhu
soo magacaabay golihiisa wasiirada oo ka kooban 18 xubnood
oo qudha taasoo caqliga saliimkaa uu garan karo ineysan
suurto-gal noqon karin iney somali oo dhan iska dhex aragto liiska
cusub ee aadka u kooban ee golaha wasiirada.. waxaa isla
markiiba af-labadii yeeray qaar kamid ah beelaha somaliyeed
ee sad -bursiga iyo caddaalad darada looga maaro waayey.
iyagoo ku qeylinaaya :waa nala bililiqeystay,waanala bililiqeystay
intooda barlamaanka dfkm ku jirtaana eey ku dhawaaqayaan:
kalsoonidii waan la noqonay,kalsoonidii waan la noqonay
shaki iigama jiro in haddii 18 wasiir nuskood (9) iyaga la siin lahaa
eey banaan baxyo taageero ah isugu soo bixi lahaayeen..
 

r/wasaare farmaajo
oo ciidankii ratibaaya
somalina u riyaaqday
iyo raggaas barlamaanka
ee iney ridaan isu taagey
isma raaci karaane
alloow yaa kala reeba
 
18-ka wasiir
ee r/wasaaruhu doortay
ee sida aanu rajeyni
runta noogu adeegi
iyo reeraha minestarka waayey
ee faruuryaha ruugi
isma raaci karaane
alloow yaa kala reeba
 
shariifkoo ra,yi maala
rabigiisana tuuga
somalina isla-raadin
iyo reeraha LAND-ga sheegta
ee qabyaalad raqiisa
raasamaalka u qatay
isma raaci karaane
alloow yaa kala reeba
 
raaya-deena buluuga
waa asteena runtaa
ee rag badani dhiiga u daadshey
iyo calalkaan  xuneey ruxayaan
isma raaci karaane
alloow yaa kala reeba
 
ra’yi gaabka wadaada
ee dagaalka u roori
madfacey ridayaana
malyuumaadka ku riiqi
iyo shacabkeena rafaadsan
isma raaci karaane
alloow yaa kala reeba
 
amisom-tan rucleyni
ee taangiyaasha ku roori
madfaceey soo ridayaana
raxan-raxanta u tuuri
daarahey rujiyaan mooyee
aan ruuxna ceyminaheyn
iyo shacabkeena rafaadsan
isma raaci karaane
alloow yaa kala reeba
 
qalinkii axmed.yakar
www.buhodlepost.com