Mahiga oo Muqdisho gaaray, kulana la qaatay madaxda sare ee dowladda fed

Wafdi uu hogaaminayo Ergayga Qaramada Midoobay u qaabilsan arrimaha Soomaaliya Augustine Mahiga ayaa maanta gaaray caasimadda Soomaaliya ee Muqdisho.

Ergayga ayaa kulan albaabada u xiran yihiin kula qaatay madaxtooyada madaxweynaha Soomaaliya Shariif Sheekh Axmed iyo ra`iisal wasaare Farmaajo.

Kadib kulanka ayaa waxaa si wada jir ah u qabtay shir jaraa`id Mr. Mahiga iyo ra`iisal wasaare Farmaajo, waxaana ay kaga warbixiyeen waxa uu salka ku hayay kulankoodaas.

Mahiga ayaa sheegay in ay ka wada hadleen madaxda dowladda arrimo ay ka mid yihiin xaalad bini`aadamnimo, amaanka, dib u dhiska dalka iyo horu-socodka dowladda.

Ra`iisal wasaare Farmaajo oo isna hadlay ayaa sheegay in sideeda bilood ee u harsan dowladda ay la imaaneyso waxqabad muuqda, kaasoo si weyn loo dareemi doono.

Labaduba waxa ay sheegeen in ay ku faraxsan yihiin shirkooda ka dhacay maanta caasimadda Muqdisho.

www.buhodlepost.com